Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүхийн ивээл дор “Монгол цэргийн өрлөг жанжин Сүбээдэй” олон улсын эрдэм шинжилгээний хурлыг 2026 оны аравдугаар сарын 9-ны өдөр Ерөнхийлөгчийн Тамгын газар, Батлан хамгаалах яам, Шинжлэх ухааны академи, Батлан хамгаалахын эрдэм шинжилгээний хүрээлэн, Сүбээдэй академи, “Эх оронч” ТББ-д хамтран зохион байгууллаа.
Уг хурлаар Өрлөг жанжин Сүбээдэйн Их Монгол Улсыг байгуулахад оруулсан хувь нэмэр, баруун зүгт хийсэн аян дайн, Кипчакуудыг байлдан дагуулсан үйл явцыг өөр өөр орны судлаачид авч үзэв. Ингэснээр Монгол, Хятад сурвалжид Сүбээдэйн талаар юу тэмдэглэснийг нягталсан илтгэлүүд хурлын гол сэдвийн нэг байлаа. Түүхэн хүний тухай үнэлэлт, дүгнэлт баримтад тулгуурлах учиртай. Тиймээс сурвалжийн мэдээг судлаачид хамтран хэлэлцэж, өөрсдийн тайлбарыг танилцуулсан нь Сүбээдэй судлалын хувьд чухал байв.
Цэргийн түүхийн илтгэлүүд ч аян дайны үйл явдлыг тоочихоос илүү өргөн агуулгатай байлаа. Их Монгол Улсын хээрийн байлдааны таван арга, Зүрчидийн эсрэг дайны онцлог, Наху гүний байлдааны талбарыг тогтоосон судалгааг танилцуулав. Эдгээр нь монгол цэргийн байлдах арга ухааныг тодорхой тулалдаан, газар орны нөхцөлтэй нь хамт судлахад чиглэжээ.
