“ХУБИЛАЙ ХААНЫ ЦЭРГИЙН ТҮҮХ” НОМ ХЭВЛЭГДЛЭЭ Хэвлэх

БХЭШХ-ийн Цэргийн Түүх Судлалын төвийн эрдэм шинжилгээний тэргүүлэх ажилтан доктор, профессор Ж.Базарсүрэн, эрдэм шинжилгээний ажилтан доктор, дэд профессор Т.Эрдэнэхишиг нарын хамтран бичсэн “Хубилай хааны цэргийн түүх” сэдэвт (11.6 х.х) ном 2017 оны 5 дугаар сард хэвлэгдэн гарч олны хүртээл боллоо.

Тус бүтээлд Хубилай хааны үед хийж байсан дайн байлдаан, Юань улсын цэргийн зэр зэвсэг, цэргийн урлагийн талаар өгүүлснээс гадна Юань улсын төрөл цэргийн талаар анх удаа дэлгэрэнгүй бичсэн болно.

Тус зохиолын сурвалж судалгааны зохиолын тоймыг доктор, профессор Ж.Базарсүрэн, доктор, дэд профессор Т.Эрдэнэхишиг нар нэг, хоёрдугаар бүлгийг доктор, дэд профессор Т.Эрдэнэхишиг гуравдугаар бүлгийг доктор, профессор Ж.Базарсүрэн нар бичсэн бөгөөд доктор, профессор Ж. Базарсүрэн энэхүү бүтээлийг бүхэлд нь хянан тохиолдуулсан болно.